उर्लाबारी। नयाँ नेतृत्व चयन गर्ने गरि यही चैत २६ गते हुने नेकपा एमाले उर्लाबारीको दोश्रो नगर अधिबेशनका लागि आज बिहिवार नगर प्रतिनिधि चयन हुँदैछन् । नगरका ९ वटै वडामा एकैसाथ नगर प्रतिनिधि चयन हुन लागेको एमाले प्रदेश कमिटी सदस्य एवम् नगर इन्चार्ज भिष्मा रेग्मीले जानकारी दिनुभयो ।
नगर अधिबेशनका लागि बिहिवार उर्लाबारीका ९ वटै वडाबाट र जनवर्गिय संगठनबाट गरि २ सय बढी प्रतिनिधि चयन हुनेछन् । नगर अधिबेशनको उद्घाटन चैत २६ गते उर्लाबारी ४ को आईतबारेस्थित वशिष्ट रिसोर्टमा हुनेछ । सबै वडामा प्रतिनिधि चयनको निर्वाचन कार्यक्रमका लागि जिल्ला सदस्यहरु खटिनु भएको छ ।
वडा नं. १ मा जिल्ला सदस्य गंगा गजमेर, २ मा जिल्ला सचिवालय सदस्य उमाकान्त गौतम, ३ मा जिल्ला सदस्य निर्मला गौतम, ४ मा जिल्ला सदस्य लक्ष्मीनारायण धिमाल, ५ मा जिल्ला सदस्य मेनु पाण्डे, ६ मा जिल्ला सचिवालय सदस्य अग्नीप्रसाद भट्टराई, ७ मा जिल्ला सदस्य उर्मिला थापा, ८ मा जिल्ला सचिवालय सदस्य मिना खतिवडा र ९ मा जिल्ला सदस्य डिल्लीराम खतिवडाको नेतृत्वमा नगर प्रतिनिधि चयन हुनेछन् । एमालेको नगर कमिटी अध्यक्षदेखी पदाधिकारी र नगर कमिटी सदस्य सबै यसपटकदेखी वडाबाटै प्रतिनिधि भएर आउनुपर्ने भएपछि यसपटकको नगर अधिबेशन प्रतिष्पर्धात्मक बनेको छ ।
